(Видео) ХАОС НАД ЕВРОПА! Ловци на небото, приземјени патнички авиони - ова се случува!

За само два дена, европското воздухопловство се најде под сериозен притисок поради бранот дојави за поставени експлозивни направи во патнички авиони. Ситуацијата натера бројни летови на итно пренасочување, привремено затворање на клучни аеродроми, а беше ангажирана дури и воена авијација.

Само во текот на вчерашниот ден беа евидентирани закани на три меѓународни лета кои сообраќале меѓу Велика Британија, Данска, Полска и Шпанија. Ова се случува откако само ден претходно авион на линијата Лондон–Софија мораше под воена придружба итно да слета во Будимпешта.

Најсериозниот инцидент се одигра во Полска, каде авион на компанијата „ЛОТ“ со 181 патник и член на екипажот беше принуден да го промени курсот и да слета на аеродромот „Варшава-Модлин“, кој веднаш беше целосно затворен за сообраќај.

---

Нови преговори за Украина во Абу Даби следната недела

САД избираат нов Конгрес – анкетите сугерираат дека републиканците на Трамп можат да ги загубат и двата дома

---

Во исто време, аларм беше вклучен и за лет на скandinavската компанија „САС“ од Копенхаген кон Варшава, како и за лет на „Рајанер“ на релација од Манчестер кон Мурсија во Шпанија.

За среќа, сите три летала успешно и безбедно пристигнаа на земјата, но по слетувањето веднаш беа активирани специјални безбедносни служби за детални проверки на патниците и багажот.