Системот „Безбеден град“ од денес ќе започне да функционира на подрачјето на Секторот за внатрешни работи Охрид (СВР Охрид) – поточно во градовите Охрид, Струга, Дебар и Кичево.
Од Министерството за внатрешни работи соопштија дека, по извршените проверки и тестирања, камерите на системот ќе бидат пуштени во употреба на територијата на СВР Охрид, пренесува „Телеграфи“.
„По техничките проверки и финалното тестирање, камерите на системот ќе бидат пуштени во употреба на подрачјето на СВР Охрид“, наведоа од Министерството, апелирајќи до возачите да ги почитуваат сообраќајните прописи со цел поголема безбедност во сообраќајот.
Системот „Безбеден град“ започна со работа на 1 февруари оваа година; по тоа следеше двомесечен период на прилагодување, во текот на кој граѓаните беа известувани за сообраќајните прекршоци, додека системот се тестираше и усовршуваше.
© Vecer.mk, правата за текстот се на редакцијата
