Младиот Тоше Богданов работел како автомеханичар и живеел со сопругата која се породила ноќта пред трагедијата.
– Тоше доби син и излезе да го прослави раѓањето на своето дете со пријателите. Сакаше да ги почести пријателите и отиде во диско, а сега го нема“, изјави за Информер извор запознаен со случајот.
Како што веќе напиша Информер, во пожар што избувна во дискотека загинаа 59 лица, а над 150 се повредени.
Истрагата покажа дека објектот бил со големина од околу 400 метри квадратни и имал само два противпожарни апарати, изјави Љупчо Коцевски, јавен обвинител на Северна Македонија.
– Местото е обезбедено, истрагата ќе продолжи утре изутрина и ќе бидат вклучени истражители од Скопје. Засега имам информации дека со осомничените се разговара. Досега на десет лица им е одреден притвор, а дваесет се на распит – објасни јавниот обвинител.
Како што истакна, дискотеката имала две врати, но само една била отворена, додека другите биле со катанец.
© Vecer.mk, правата за текстот се на редакцијата
