Денеска завршува забраната за движење во шумите, која беше воведена во координација со Министерството за земјоделство, шумарство и водостопанство, а на барање на Јавното претпријатие „Национални шуми“.
Забраната првично важеше од 1 јули до 31 август, но беше продолжена до 30 септември поради високите температури и зголемениот ризик од шумски пожари на отворен простор.
За време на забраната, движењето низ шумите беше дозволено само со писмено одобрение издадено од подружниците на Јавното претпријатие „Национални шуми“ и од националните паркови, конкретно за подрачјата со кои тие стопанисуваат. Беа предвидени парични казни за поединците кои не ја почитуваа забраната во овој период.
© Vecer.mk, правата за текстот се на редакцијата
