Голем пожар избувна доцна попладнево во близина на Бит-пазар во Скопје, каде што според првичните информации горат магацини сместени во еден објект.
Од Центарот за управување со кризи информираат дека на терен се шест противпожарни возила на Бригадата за противпожарна заштита на Град Скопје, кои интервенираат во обид да го локализираат пожарот.
„РЦУК – Скопје известува дека кај Бит-пазар гори куќа и во моментот БППЗ на Град Скопје интервенира со шест противпожарни возила. Поради зафатеноста на пожарникарите, подетални информации ќе добиеме подоцна“, соопштија од ЦУК .
Според досегашните информации, во пожарот горат магацини, а нема пријавени повредени лица.
Причините за избувнувањето на пожарот засега не се познати. Повеќе информации од надлежните служби се очекуваат во текот на вечерта.
© Vecer.mk, правата за текстот се на редакцијата
