ТАТКО ГО КАМШИКУВАЛ 12 ГОДИШНИОТ СИН - Монструозно насилство ја шокира јавноста во Виена

Vecer | 05.11.2026

ТАТКО ГО КАМШИКУВАЛ 12 ГОДИШНИОТ СИН - Монструозно насилство ја шокира јавноста во Виена
Додај го Вечер како твој извор на Google (се отвора во нов таб)

Во судот во Виена започна потресно судење за случај на семејно насилство што ја шокираше австриската јавност. На обвинителната клупа се наоѓа 42-годишен државјанин од Сирија, татко на три момчиња (на возраст од 12 до 17 години), кој со години на најбрутален начин ги мачел и тепал сопствените деца поради ситници, како што се школски проблеми, детски инат или возење велосипед без дозвола.

Според зборовите на државната обвинителка, станува збор за ниво на насилство и злоупотреба што е незабележано и во судската пракса. Децата пред надлежните органи опишале стравични ритуали, наведувајќи дека таткото правел паузи за време на тепањето – не за да им помогне на децата, туку за да се одмори од ударите. Како оружје користел раце, ремени и кабли од полначи.

Трагичниот врв на насилството се случил на 12 јули, кога 12-годишниот син возел велосипед спротивно на строгата забрана од таткото и бил удрилен од автомобил. Иако момчето за среќа поминало без повреди од сообраќајката, тоа било само повод за лудило кај таткото. Наместо да го прегрне и утеши, тој го мачел и го тепал детето непрекинато пет часа и половина.

Монструозното мачење било прекинато дури откако соседите ги слушнале плачот и вресоците и ја повикале полицијата, по што таткото бил веднаш уапсен. Форензичкиот патолог бил во шок кога ги видел фотографиите од 12-годишното момче, кое имало повеќе од 100 трагови од бичување и удари по целото тело. Во судницата се поставило и прашањето каде била 40-годишната мајка за време на повеќечасовното мачење, при што било откриено дека таа едноставно го свртела погледот и не повикала брза помош.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk