Американскиот претседател Доналд Трамп изјави дека ќе ја забрани употребата на терминот вештачка интелигенција во документите и во сè останато, прашувајќи зошто „Волстрит џурнал“ не го користи терминот што тој го претпочита — суперинтелигенција, пренесува „Ројтерс“.
„Кога ‘Волстрит џурнал’ ќе почне да ја нарекува вештачката интелигенција (ВИ), многу лош и неточен назив, туку СИ (суперинтелигенција), термин што практично сите останати го користат или наскоро ќе го користат?“, напиша Трамп во објава на социјалната мрежа „Трут соушл“.
Според него „за кратко време, официјално ќе го забраниме терминот ‘ВИ/вештачка интелигенција’ во сите релевантни документи и во сè останато, поради неговата неточност“.
Трамп пред неколку недели го најави формирањето на новата федерална канцеларија „Сила за супер интелигенција“ (СИФ), која ќе ги координира напорите на американската влада за одржување на водечката позиција во развојот на она што тој го претпочита како „суперинтелигенција“, а воедно го назначи директорот на Националната разузнавачка служба, Џеј Клејтон, за прв човек за координатор на канцеларијата.
Како што тогаш рече Трамп, новата канцеларија СИФ ќе ја координира соработката на федералната влада со потрошувачите, организациите од јавен интерес и верските групи, давателите на услуги за критична инфраструктура и технолошките компании.
Целта, според Трамп, е САД да останат светски лидер во областа на „суперинтелигенцијата“.
Трамп ја објави функцијата координатор за вештачка интелигенција минатиот месец, во време на растечка загриженост во Вашингтон и Силиконската долина дека моделите на вештачка интелигенција се развиваат пребрзо и би можеле да избегаат од човечка контрола.
© Vecer.mk, правата за текстот се на редакцијата
