Соединетите држави започнаа со евакуација на својот дипломатски персонал од амбасадата во авганистанскиот главен град Кабул, бидејќи Талибанците полека влегоа во градот, откако само главниот град остана „неосвоена тврдина“, а потоа објавија дека „го контролира целиот Авганистан“.
- Засега имаме помал број луѓе што заминуваат, а повеќето од персоналот се подготвени да заминат. Сепак, амбасадата продолжува да функционира - изјави еден американски службеник кој не сакаше да го открие својот идентитет, пренесува Ројтерс.
Евакуацијата на повеќето дипломати ќе биде денеска.
Biden, last month: "The Taliban is not the North Vietnamese army. They’re not remotely comparable in terms of capability. There’s going to be no circumstance where you see people being lifted off the roof of the embassy of the United States from Afghanistan." https://t.co/cMx5e2xjtn
— Shashank Joshi (@shashj) August 15, 2021
Амбасадата на САД вчера го извести својот персонал дека располага со инсенератори во кои можат да уништат чувствителни материјали, без разлика дали се во хартиена или електронска форма.
Се чини дека ова „го намалува количеството чувствителен материјал“ во зградата на амбасадата, стои во упатствата во кои Ројтерс имаше увид.
Неименуван претставник на НАТО рече дека неколку претставници на ЕУ се префрлени на безбедна локација во Кабул.
Си -Ен -Ен објави дека персоналот од амбасадата во Кабул ќе биде евакуиран во следните 72 часа
In Kabul, echoes of the Vietnam bug-out.https://t.co/tH65iHOmaV pic.twitter.com/NQTTBnZ5qK
— Michael Dominowski (@dominowski) August 12, 2021
Се потсетува на Виетнам
Во меѓувреме, американскиот претседател Џо Бајден синоќа потврди дека американската делегација на разговорите во Доха, во која беа вклучени претставници на авганистанската влада и Талибанците, ги предупреди бунтовниците дека секоја акција што ги ризикува животите на американскиот персонал ќе биде проследена со брз и силен воен одговор.
Во изјавата по разговорите со американските претставници за национална безбедност, Бајден рече дека испратил 5.000 војници во Авганистан за да овозможат безбедно повлекување на американскиот персонал и Авганистанците кои им помагале на САД за време на мисијата, како луѓе од „посебен ризик за Талибанците“, објави АП претходно.
Иако Бајден ги отфрли наводите дека се случува повторување на виетнамскиот дебакл, кога Американците беа евакуирани од покривот на амбасадата со хеликоптер во Сајгон, ние повторно го гледаме тоа сценарио, овој пат во Кабул.
Saigon 1975....
Kabul 2021....
History sure have a habit of repeating itself for those who learn nothing from it....
And those who never learn from history soon find their geography altered is well...... pic.twitter.com/9eHpKhdjfZ
— Zaid Hamid (@ZaidZamanHamid) August 15, 2021
- Нема шанси да видите ситуација поради која луѓето би биле евакуирани со хеликоптери од покривите на амбасадата во Кабул. Талибанците не се армијата на Северен Виетнам. Тие дури и не можат да се споредат во однос на способностите - рече Бајден во јули и ја отфрли паралелата помеѓу Кабул и Сајгон.
Само еден месец подоцна, реалноста го негираше тоа.
🇦🇫🇺🇲Historical footage that will illustrate yet another American «defeat» for a long time to come.
A U.S. Air Force transport helicopter evacuates people and property from the U.S. diplomatic mission in Kabul.
Americans decided to make their withdrawl a PR disaster at last! pic.twitter.com/2EBJYk6WR6
— Munim (@Munimusing) August 15, 2021
За неколку недели, авганистанската армија се распадна пред молската офанзива на Талибанците, на општо изненадување на светот, затоа што - дали Американците не ги обучија владините сили сами да се справат со заканата од Талибанците во последните 20 години?
Утрово светските медиуми потврдија дека талибанските бунтовнички сили го освоиле и градот Џалалабад во западниот дел на Авганистан покрај реката Кабул, кој е и административен центар на провинцијата Нангархар и е еден од клучните центри за транспорт и трговија.
Во меѓувреме, тие влегоа во Кабул, „од сите страни“, и моментално се наоѓаат во претседателската палата, каде се преговара со властите за мирно предавање на власта.
По влегувањето во Кабул, Талибанците им наредија на своите борци да се воздржат од насилство, да им овозможат безбедни премини на сите што сакаат да го сторат тоа и побараа од жените да се засолнат во заштитените подрачја.
Талибанците, пак, соопштија дека ја контролираат целата територија на Авганистан.