Пет лица загинаа, а повеќе од 80 се водат како исчезнати откако во средата вечерта се запали траект кај островскиот архипелаг Палаван на западните Филипини, соопшти во четвртокот Филипинската обална стража. Четириесет и три лица беа спасени во средата вечерта откако изби пожар на бродот МВ „Џун Астер“ (MV June Aster) во водите кај отокот Корон на Палаван, извести Обалната стража (PCG). Траектот испловил од Басеко во Манила и пловел кон Корон, а причината за пожарот е предмет на истрага.
Портпаролката на Обалната стража, комодор Ноеми Кајабјаб, изјави за радио ДЗХЛ дека на списокот на патници и членови на екипажот имало 117 патници и 17 членови на екипажот.
Врз основа на пријавениот број преживеани и загинати, повеќе од 80 лица се водат како исчезнати, а портпаролката напоменува дека овие бројки би можеле да се променат како што ќе се одвива акцијата за спасување.
© Vecer.mk, правата за текстот се на редакцијата
