Претпоставки, прогнози и анализи за можна ескалација на војната во Украина на поширок простор и со непосредно вклучување и на други држави досега доаѓаа претежно од Европа а Русија или молчеше или понекогаш демантираше таков можен развој на настаните.
За прв пат, од нависоко компетентно место како што е врвот на службата за разузнавање во странство, Русите соопштија дека е можно ширење на војната и тоа во “евроазија“ што сугерира простор од Тајван и Кина па се до Европа, објави рускиот сајт на опозицијата на руската власт, Медуза.
Информацијата доаѓа по неодамнешната средба на шефот на ЦИА со руските разузнавачи.
Наришкин потврди дека во втората половина на август 2026 година одржал „работна средба“ во Москва со директорот на американската ЦИА, Џон Ратклиф. Иако Наришкин ја опиша средбата како рутинска, според меѓународните медиуми, според Ројтерс, главните теми биле поврзани со војната во Украина но, изјавата на Наришкин по таа средба дава претпоставки за тема поширока од украинскиот фронт.
Дополнително, симптоматично е дека и пред украинската војна тогашниот шеф на ЦИА Вилијм Бернс, исто така во Москва, имаше средба со руските разузнавачи, меѓу кои и Наришкин, а четири месеци подоцна, во февруари 2022, почна руско-украинската војна.
Укринскиот портал Уа.Њуз објави:
На состанокот на безбедносните служби на земјите од ЗНД на 4 септември 2026 година, Наришкин изјави дека ризикот од голем конфликт на целиот евроазиски простор е сосема реален. Тој оцени дека дипломатијата веќе не функционира и дека државите буквално „лизгаат кон тотална војна“ бидејќи западните лидери веруваат во стратегијата за контролирана ескалација.
Сергеј Наришкин, директор на Руската служба за надворешно разузнавање, рече дека ризикот од конфликт од големи размери низ Евроазија е многу реален.
„Ризикот од конфликт од големи размери низ Евроазија е сосема реален. Тоа предизвикува најсериозна загриженост“, рече Наришкин на почетокот на 22-от состанок на Конференцијата за безбедност и разузнавање на ЗНД за разузнавање.
„Според нашите информации, европските лидери веруваат во контролирана ескалација, стратегија на смирување на работ на војна развиена од западните разузнавачки агенции за време на Студената војна“, забележа шефот на СВР.
Според Наришкин, вака европските политичари се фаќаат во стапицата.
„Пропагандните механизми што ги лансираат политичарите создаваат толку ригидна слика за светот што стануваат негови заложници. Во одреден момент, целокупната тензија достигнува ниво каде што секој настан, дури и помал, може да го сруши целиот систем“, рече директорот на СВР.
Како што забележа Наришкин, ако се појави ситуација како грешката на Тукидид, дипломатијата „веќе не функционира“ и силите „буквално паѓаат во тотална војна“.
„Честопати со катастрофален исход за сите. Имаме должност да спречиме таков развој на настаните“, нагласи Наришкин, додавајќи дека „историјата знае примери, иако малку, за избегнување на спиралата на ескалација“.
„Нашата задача, без да чекаме спиралата на ескалација во Евроазија да ги достигне своите граници, е да го зајакнеме сопствениот систем на колективна безбедност и да развиеме механизми за дијалог и соработка без интервенција на надворешни сили“, заклучи шефот на СВР.
(Насловна фотографија Euronews)
© Vecer.mk, правата за текстот се на редакцијата
