Спектакуларни дуели во четвртфиналето од Лигата на нации

Vecer | 20.11.2026

Спектакуларни дуели во четвртфиналето од Лигата на нации
Додај го Вечер како твој извор на Google (се отвора во нов таб)

Ждрепката во Нион денеска ги донесе четвртфиналните двојки во Лигата на нациите, а љубителите на фудбалот ги очекуваат четири исклучително интересни европски пресметки. Во центарот на вниманието е дуелот меѓу Шпанија и Франција, репрезентации кои во последните години се редовни учесници во завршниците на големите натпреварувања.

Интересно ќе биде и во пресметката меѓу Норвешка и Англија, каде што Норвежаните ќе се обидат да ја искористат својата офанзивна моќ против англиската селекција. Холандија и Португалија ќе понудат уште еден дуел на две репрезентации со голем квалитет и богата фудбалска традиција, додека Белгија и Германија ќе се соочат во уште едно големо европско дерби.

Четвртфиналните двојки се:

Шпанија – Франција

Норвешка – Англија

Холандија – Португалија

Белгија – Германија

По овие пресметки, вниманието се префрла и на баражите за пласман и опстанок во повисоките дивизии. Македонија за место во Б дивизијата ќе игра против Кипар, а првиот натпревар ќе биде на гостински терен. Во останатите дуели за пласман во Б дивизијата ќе се сретнат Естонија – Романија, Фарски Острови – Грузија и Белорусија – Израел.

Во баражот за опстанок во А дивизијата, Србија ќе се соочи со Унгарија, Босна и Херцеговина ќе игра против Данска, Република Ирска против Хрватска, а Словенија против Велс.

Плејоф за испаѓање/влез во А-Лига на нации:

Унгарија – Србија
Босна и Херцеговина – Данска
Република Ирска – Хрватска
Словенија – Велс

Првите натпревари од баражите се предвидени за 25 до 27 март, а реваншите од 28 до 30 март 2027 година.


sportmedia.mk

© Vecer.mk, правата за текстот се на редакцијата

Најчитани во последни 7 дена

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk