Видео од местото на тешката сообраќајна несреќа на патот Гостивар–Стража, во која животот го загуби 21-годишниот фудбалер Даниел Николовски од Тетово.
Несреќата се случила синоќа околу 22:55 часот, на околу 500 метри од угостителски објект, при што се судриле две возила „голф“, едното со гостиварски, а другото со тетовски регистарски ознаки.
Со едното возило управувал 34-годишниот А.И. од село Чегране, со сопатник 28-годишниот Х.К. од Гостивар. Второто возило го управувал 21-годишниот Д.Н. од Тетово, додека со него бил и 21-годишниот Ф.Ј. од Тетово.
Од лекар на Итната медицинска помош на местото била констатирана смрт кај Д.Н.
Останатите три лица биле пренесени во Медицинскиот центар во Гостивар, каде им биле констатирани телесни повреди.
Увид на местото извршиле јавен обвинител и увидна екипа од ОВР Гостивар.
© Vecer.mk, правата за текстот се на редакцијата
