Ексклузивната снимка го прикажува моментот на подметнувањето на пожарот во трговскиот центар во Шуто Оризари, во кој изгореа над 20 дуќани.
На снимката се гледаат две лица кои со тротинети пристигнуваат пред дуќаните, истураат течност, го палат местото и потоа си заминуваат со тротинетите.
Пожарот избувнал рано изутрината, а во неговото гаснење интервенирале 15 пожарникари со шест противпожарни возила. Интервенцијата траела од 3:30 до 6:45 часот.
Во пожарот изгореле над 20 дуќани со текстилна и друга стока. Повредени лица нема.
МВР најави увид и преземање мерки за расчистување на случајот, а снимката може да биде важен доказ во истрагата за утврдување на сторителите.
© Vecer.mk, правата за текстот се на редакцијата
