Тројца лица се повредени, од кои едно потешко, во сообраќајна несреќа што се случила утрово на регионалниот пат Тетово–Пирок.
Според информациите од Министерството за внатрешни работи, несреќата била пријавена во 09:50 часот во СВР Тетово. Во неа учествувале патничко возило „Фолксваген уп“ со тетовски регистарски ознаки, управувано од 23-годишниот А.Б. од Пирок, и трактор со тетовски регистарски ознаки, управуван од 54-годишниот Џ.А., исто така од Пирок.
Во судирот со тешки телесни повреди се здобил трактористот, додека возачот на автомобилот и неговиот 28-годишен сопатник К.Ф. од Пирок се здобиле со телесни повреди.
Повредите кај сите лица биле констатирани во Клиничката болница во Тетово.
На местото на несреќата увид извршила увидна екипа на СВР Тетово.
© Vecer.mk, правата за текстот се на редакцијата
