Средба на премиерот Заев со новиот амбасадор на Катар

Vecer | 16.02.2021

Средба на премиерот Заев со новиот амбасадор на Катар
Додај го Вечер како твој извор на Google (се отвора во нов таб)


Претседателот на Владата, Зоран Заев, се сретна со Јасим бин Хамид Ал-Тани, новиот амбасадор на Државата Катар во нашата земја.

На состанокот се поздравени членството на Република Северна Македонија во НАТО и политиките на дијалог и пријателство на премиерот Заев, што донесоа решение на долгогодишниот спор со Република Грција, за што е оценето дека е успешен пример во светски рамки.

„Оценето е дека Република Северна Македонија е мирољубива и пријателски определена држава којашто бележи напредок и има потенцијали за натамошен развој. Пренесен е интерес од Катар за разгледување можности за инвестиции во земјава“, стои во владиното известување.

„Ние сме насочени кон евроатлантските интеграции како стратешка определба на државата и истовремено работиме на создавање услови за подобар животен стандард и за економски развој на државата. Во таа насока важна ни е соработката со сите држави, посебно на економски план“, рече премиерот Заев.

На средбата е констатирано дека се унапредува соработката со Катар во делот на енергетиката, како и дека постојат можности за продлабочување на соработката во областа на туризмот, транспорт, земјоделие, културата.


makfax.com.mk

© Vecer.mk, правата за текстот се на редакцијата

Најчитани во последни 7 дена

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk