Османи: Дијалогот со Бугарија беше многу емоционален, во иднина порационален пристап

Vecer | 16.02.2021

Османи: Дијалогот со Бугарија беше многу емоционален, во иднина порационален пристап
Додај го Вечер како твој извор на Google (се отвора во нов таб)


Емоциите да се тргнат настрана, а да се промовира рационалниот пристап во разговорите со Бугарија, е новиот концепт на македонското Министерство за надворешни работи.

Министерот за надворешни работи, Бујар Османи вели дека дебатата во првата фаза од дијалогот била премногу емоционална.

„Чувството беше дека во првата фаза дијалогот помеѓу нас и Бугарија беше премногу емоционален, со премногу емоции во него, сметавме дека треба да го смениме пристапот во однос на овој дијалог, да воспоставиме повеќе рационален пристап во овие разговори и продолжување на комуникацијата во темите за кои имаме повеќе разбирање“, вели Османи.

Тој вели дека со финализирањето на акцискиот план ќе може да се свика новата седница на меѓувладината седница која произлегува од Договорот од 2017 година.

„Имавме размени во дефинирање на тој акциски план и сметам дека сме при крај за дефинирање на тој план“, вели Османи.

Тој вели дека Акцискиот план е насочен кон соработка на линиските министерства кои ќе го подобруваат животот на луѓето од двете страни на границата.

Минатата меѓувладина седница се одржа во Бугарија, а овој пат домаќин ќе биде Македонија.


makfax.com.mk

© Vecer.mk, правата за текстот се на редакцијата

Најчитани во последни 7 дена

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk