До крајот на годината не се очекува ревидирање на стапката на раст и промени во буџетскиот дефицит. Министерката за финансии Гордана Димитриеска-Кочоска истакна дека состојбите се следат и дека сè се одвива во согласност со проекциите, особено имајќи ја предвид стапката на раст од 4,3 проценти во вториот квартал.
– Владата во изминатите две години многу посветено и напорно работеше на економијата и мислам дека сето тоа сега дава резултати. Македонија е една од земјите што навистина има највисока стапка на раст и најстабилна и една од пониските инфлации, што јасно покажува дека мерките биле насочени таму каде што треба, порача министерката во интервју за Македонската телевизија во Њујорк, каде што учествуваше на состаноци на Светскиот економски форум.
© Vecer.mk, правата за текстот се на редакцијата
