Полицијата при контрола во возило „фиат стило“ со австриски национални ознаки, кое го управувал струмичанецот, биле пронајдени седум лица мигранти, од кои четири од Пакистан, две од Авганистан и едно од Турција.
„Вчера во 19:30 часот во близина на крстосница од локален пат село Богородица-Гевгелија и регионален пат Гевгелија-Богданци, полициски службеници од Полициската станица за гранични проверки и граничен надзор Богородица го лишиле од слобода Д.К.(36) од Струмица поради основи на сомнение за сторени кривични дела по член 418-Б, член 378 и член 297-а од Кривичниот законик“, информираат од МВР.
За настанот е известен јавен обвинител, а мигрантите биле спроведени во прифатно-транзитен центар „Винојуг“ во Гевгелија. По целосно документирање на случајот, против Д.К. ќе биде поднесена соодветна пријава.
© Vecer.mk, правата за текстот се на редакцијата
