Снегот на Попова Шапка, донесе вистинска зимска атмосфера на Шар Планина. Планинските предели добија бела покривка, а снежните сцени од популарниот туристички центар се најава за претстојната зимска сезона.
Според достапните метеоролошки податоци, на Попова Шапка е измерена максимална температура од 2 степени Целзиусови, а во изминатите девет часа до 16 часот е регистриран еден литар врнежи на квадратен метар.
Снежните врнежи повторно го привлекуваат вниманието кон еден од најпознатите зимски туристички центри во земјава. Белата покривка на Шар Планина носи вистински зимски сцени, на кои со нетрпение чекаат љубителите на планината и зимските спортови.
Снежните врнежи се потсетник дека студениот период е сè поблиску, а со него и очекувањата за почеток на новата скијачка сезона на Попова Шапка.
© Vecer.mk, правата за текстот се на редакцијата
