Иако календарски е средина на летото, Шар планина денеска приреди вистинско зимско изненадување. На повисоките делови над Попова Шапка падна снег, а веста на социјалните мрежи ја објави метерологот Славчо Попоски, посочувајќи дека неговите најави за оваа ретка временска појава целосно се оствариле.
„ВЕРУВАЛЕ ИЛИ НЕ: Денес 24 јули на Шар Планина, и тоа над Попова Шапка паѓа снег. Прогнозите мои се остварија“, напиша Попоски.
Ваквите временски услови се невообичаени за овој период од годината, но се случуваат на највисоките врвови во земјата при продор на поладневен воздух.
© Vecer.mk, правата за текстот се на редакцијата
