Стапуваат во сила нови правила за плаќање патарина на државните патишта. Промените се однесуваат на користењето на лентите за електронско плаќање и начинот на наплата со различни видови средства.
Лентите обележани за М‑таг се наменети ИСКЛУЧИВО за возила што плаќаат со електронски таг. На овие ленти повеќе не е дозволено плаќање со М‑карта (MCard).
Возачите кои користат М‑карта треба да ја извршат наплатата на другите достапни ленти на наплатната станица, согласно нивната намена и сигнализација.
Јавното претпријатие за државни патишта апелира до сите учесници во сообраќајот да ги следат информативните електронски табли поставени на патарините, со цел да се избегнат застои и непотребни задржувања.
© Vecer.mk, правата за текстот се на редакцијата
