Патувањето кон Грција утре нема да биде вообичаено. Поради штрајк на цариниците, гранични премини ќе работат со ограничен режим, а воазчите треба да бидат подготвени за чекање уште од пет часот наутро. Автомобилите ќе се пуштаат на секои десет минути, додека камионите воопшто нема да можат да поминат на границата во периодот од 5 до 9 часот, јавија локалните медиуми.
Така ќе биде и на трите гранични премини кон Македонија, „Евзони“ („Богородица“), „Дојрани“ („Дојран“) и „Ники“ („Меџитлија“).
Со оглед на тоа дека сме во шпицот на туристичката сезона, штрајкот дополнително ќе ги зголеми гужвите на граничните премини, па надлежните повикуваат за патување да се избегне времето во кое ќе се одвива штрајкот.
© Vecer.mk, правата за текстот се на редакцијата
