КРАЈ НА РОАМИНГОТ СО ЕУ? Македонија ги почна преговорите

Vecer | 09.10.2026

КРАЈ НА РОАМИНГОТ СО ЕУ? Македонија ги почна преговорите
Додај го Вечер како твој извор на Google (се отвора во нов таб)

Македонските граѓани се чекор поблиску до евтини разговори и сурфање без роаминг шокови при патувањата во земјите од Европската Унија. Министерот за дигитална трансформација Стефан Андоновски соопшти дека државата официјално го добила предлог-текстот на договорот за укинување на роамингот по домашни цени со Унијата, со што и официјално започнуваат преговорите.

Документот веќе е проследен до надлежните министерства и институции кои имаат рок до крајот на неделата да ги достават своите забелешки и сугестии. По нивното усогласување, македонската страна ќе ги испрати конечните предлози до Европската комисија.

– Очекувам преговорите да се интензивираат во текот на есента и да го имаме договорот на почетокот на 2027 година, истакна министерот Андоновски, најавувајќи дека оваа долгоочекувана мерка наскоро ќе им овозможи на граѓаните целосно слободни и пристапни комуникации низ цела Европа.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk