Полицијата регистрираше вкупно 10.411 сообраќајни прекршоци во периодот од мај до август, за време на засилените контроли насочени кон возачите на електрични тротинети, велосипеди, мотоцикли, мопеди, трицикли и четирицикли.
Според Министерството за внатрешни работи, најголем број прекршоци – 7.303 – се однесувале на возење без заштитна кацига.Надлежните исто така регистрирале 718 случаи на возење на несоодветни површини, 401 случај на управување со нерегистрирани или неосигурани возила и 322 случаи на неносење рефлектирачки елек.
Во овој период биле регистрирани и 619 кривични дела, главно поврзани со управување возило без важечка возачка дозвола.
Полицијата одзеде вкупно 423 возила, од кои 20 електрични тротинети и 403 мотоцикли, мопеди и трицикли.
Од Министерството за внатрешни работи најавија дека овие засилени контроли ќе продолжат.
© Vecer.mk, правата за текстот се на редакцијата
