Реформата на изборникот законик, кој го предложија ВМРО ДПМНЕ, ЗНАМ и Вреди е дел од европските реформи кои се очекуваат од нас, а не партиска програма на власта но, СДСМ и Левица кои во секоја втора реченица имаат “европски реформи“ тое не го почитуваат затоа што, според Левица, “ќе имале 4% помалку пари з апартиите во време на избори“.
Премиерот Христијан Мицкоски ги отфрли обвинувањата на СДСМ дека Владата ја доведува во заблуда јавноста кога тврди дека измените на Изборниот законик се поврзани со европските интеграции, посочувајќи дека тоа јасно го потврдила и еврокомесарката за проширување Марта Кос.
Одговарајќи на новинарско прашање, Мицкоски рече дека ова прашање заслужува коментар бидејќи е важно за граѓаните и за државата.
„Не мора мене да ме слушаат, јас сум неважен во случајов. Нека ја слушаат еврокомесарката Марта Кос. Таа јасно кажа дека тоа е дел од реформите кои се важни за евроинтеграцијата“, изјави Мицкоски.
Тој ја обвини опозициската СДСМ за, како што рече, двојни стандарди во однос на европската агенда.
„Чудни се некои политичари во опозицијата. Кога станува збор за нивен интерес, односно за нивниот џеб, тогаш им е полна устата со Европа. Кога, пак, треба да покажат одговорност и да се носат важни одлуки, особено додека се во опозиција, прават сѐ за ние да не стигнеме таму каде што треба да стигнеме“, рече премиерот.
Мицкоски порача дека Владата ќе продолжи да ги спроведува реформите и да работи на исполнување на стратешката цел – полноправно членство на државата во Европската Унија.
„И со нив и без нив, ние продолжуваме да ги реализираме стратешките цели, а тоа е полноправно членство на земјата во Европската Унија“, истакна Мицкоски.
© Vecer.mk, правата за текстот се на редакцијата
