Дизел горивото во Македонија е значително поевтино во споредба со сите земји во регионот, а граѓаните од соседните држави масовно доаѓаат да ги полнат своите резервоари на македонските пумпи, истакна премиерот Христијан Мицкоски.
Според неговите зборови, разликата во цената на дизелот кај нас е дури за половина евро по литар поевтина отколку во Албанија, додека во однос на Србија цената е пониска за 35 центи.
„Од 30 до 50 центи по литар е поевтино од сите држави во регионот: Грција, Хрватска, Словенија, Босна и Херцеговина, Црна Гора и останатите, без разлика дали станува збор за безоловниот бензин или за дизелот. Кога ќе ја оставиме политиката на страна и ќе ги погледнеме реалните бројки, доаѓаме до заклучок дека, иако сите купуваме нафта од исто место, граѓаните во Македонија плаќаат најниска цена, па и луѓето од соседните земји доаѓаат тука да полнат резервоари“, порача Мицкоски.
© Vecer.mk, правата за текстот се на редакцијата
