Шеснаесетгодишен мотоциклист од Берово се здобил со тешки телесни повреди во сообраќајна несреќа што се случила на локалниот пат Берово–Абланица, соопшти Министерството за внатрешни работи.
Несреќата била пријавена на 5 август околу 17:20 часот, а во неа учествувале мотоцикл „хамачи“ без регистарски ознаки, управуван од малолетникот, и патничко возило „БМВ“ со британски национални ознаки, управувано од И.С. (47) од Скопје. Во несреќата мотоциклистот се здобил со тешки телесни повреди, кои биле констатирани во Општата болница во Кочани.
За случајот бил известен јавен обвинител од Основното јавно обвинителство Кочани, а увид на местото извршила увидна екипа од ОВР Берово.
© Vecer.mk, правата за текстот се на редакцијата
