Потпретседателот на САД, Џеј Ди Венс, и неговата сопруга Уша Венс вчера го објавија раѓањето на своето четврто дете, син, кој е прво дете родено на актуелен потпретседател на САД во повеќе од 150 години.
Роден во неделата, Алек Нил Венс им се придружува на своите браќа Еван (9), Вивек (6) и сестрата Мирабел (4). Венс го објави раѓањето на синот преку социјалните мрежи, во соопштение потпишано од него и неговата сопруга.
„Возбудени сме што можеме да објавиме дека нашиот син Алек Нил Венс се роди утрово. Уша и бебето се среќни и здрави, а нашите деца се пресреќни што ќе го запознаат својот мал брат“, пишува во соопштението.
Тие им се заблагодарија на лекарите и персоналот во Националниот воен медицински центар „Волтер Рид“, како и на лекарскиот тим на Белата куќа.
Проширувањето на семејството на републиканскиот потпретседател е во согласност со неговото страсно залагање за тоа Американците да имаат повеќе деца. Тој исто така наговести дека минатогодишното убиство на конзервативниот активист Чарли Кирк, кој му бил пријател, влијаело врз одлуката да имаат уште едно дете.
© Vecer.mk, правата за текстот се на редакцијата
