Американскиот претседател Доналд Трамп минатиот месец бил дел од сложена операција за прикривање на неговиот лет од Турција до Обединетото Кралство, при што биле користени кетеринг-возило и воен авион, пренесува „Еј-би-си њуз“.
Тајната операција била спроведена без знаење на новинарите кои го придружувале претседателот, па дури и на дел од функционерите на Белата куќа кои се наоѓале во авионот што служел како мамка. Во исто време, Белата куќа тврдела дека Трамп се наоѓа во стариот авион „Ер форс 1“.
„Еј-би-си њуз“ не ги потврдил деталите од приказната, која првпат ја објави весникот „Вашингтон пост“.
„Како што неодамна кажа претседателот, има многу непријатели на Америка кои се насочени кон него и ги користиме сите средства што ни стојат на располагање за да се справиме со тие закани“, соопшти Белата куќа.
Трамп бил забележан како се качува во авионот на 8 јули, но според наводите, откако се качил, бил префрлен во кетеринг-возило, кое вообичаено се користи за внесување храна и пијалаци во авионот.
Трамп во тоа време јавно изјавил дека нема да лета со авионот „Ер форс 1“ што го добил на подарок од Катар, бидејќи планирал да го испрати во база во Обединетото Кралство за припадниците на американските вооружени сили да можат да го разгледаат.
Во тоа време, Трамп бил советуван да не го користи авионот поради безбедносни ризици, во услови на ескалација на тензиите со Иран.
На летот за кој се верувало дека Трамп се наоѓа во него, новинарите биле известени дека ролетните на прозорците мора да останат затворени во текот на целиот лет, по наредба на Тајната служба. Транспондерот на авионот „Ер форс 1“ бил исклучен, иако претседателот не се наоѓал во него.
По пристигнувањето во Обединетото Кралство, Трамп бил забележан како се симнува по скалите од стариот авион за да се префрли во авионот што го добил од Катар. Не е познато како повторно се качил во авионот.
Откако се качил во новиот „Ер форс 1“ на пат кон САД, Трамп разговарал со новинарите и одговорил со „не, не“ на прашањето дали имало безбедносни причини за замената на авионот.
На прашањето зошто морале да ги затворат ролетните на прозорците во авионот, Трамп, и покрај тоа што претходно рекол дека немало безбедносна причина, одговорил: „Па, да, затоа што веројатно сте во опасен авион поради оние бедници со кои мора да се справуваме“.
© Vecer.mk, правата за текстот се на редакцијата
