По завршувањето на меѓуизборите во САД и победата на Демократската партија, прашањето за објавувањето на документите поврзани со Џефри Епштајн повторно се враќа во фокусот на Конгресот. Спорноста околу досиејата беше една од централните теми во изборната кампања и останува силен политички притисок врз администрацијата на претседателот Доналд Трамп, пренесува влијателниот портал AXIOS.
Конгресмените Томас Маси (републиканец) и Ро Кана (демократ) го предводат двопартискиот притисок за да изгласаат нов закон – „Закон за транспарентност на досиејата Епштајн II“. Иако претседателот Трамп минатата година го потпиша првичниот закон за објавување на документите, пратениците и жртвите се борат против Министерството за правда (DOJ), обвинувајќи го за прекумерно редактирање, скривање на информации и незаконито задржување на повеќе милиони документи. Новиот предлог-закон ќе им овозможи на државните обвинители, локалните обвинители и самите жртви директно да го тужат јавниот обвинител доколку не ги достави побараните материјали.
По преземањето на мнозинството во јануари, демократите најавуваат уште поагресивен пристап. Конгресменот Роберт Гарсија, кандидат за претседател на Влијателниот комитет за надзор во Претставничкиот дом, потврди дека истрагата за случајот Епштајн ќе биде еден од основните приоритети. Тој најави итна организација на јавни сослушувања и повикување на сите можни соученици и одговорни лица да сведочат пред Конгресот, оценувајќи го досегашниот молк на републиканското раководство како срамно заштитување на моќните елити.
© Vecer.mk, правата за текстот се на редакцијата
