29-годишен маж со иницијали М.Р. бил пронајден мртов рано утрово во куќа на белградската населба Душановец, а полицијата го уапсила неговиот 43-годишен познаник Н.Р., под сомнение дека го убил.
Според досегашните информации, двајцата претходно заедно седеле во куќата и консумирале алкохол. Во еден момент дошло до расправија, која прераснала во физички конфликт.
Во текот на пресметката, двајцата наводно употребиле остри предмети и си нанеле повреди. М.Р. бил тешко повреден и починал на местото на настанот.
Полицијата набрзо го пронашла и го уапсила Н.Р., кој, според информациите објавени од „Блиц“, за време на сослушувањето го признал делото и навел дека до конфликтот дошло по расправија додека двајцата биле под дејство на алкохол.
На местото на настанот се врши увид од полицијата и форензичари, а за случајот е известено надлежното обвинителство. Осомничениот ќе биде спроведен пред надлежното обвинителство со кривична пријава.
Истрагата продолжува, а сите околности за трагичниот настан треба да бидат утврдени во понатамошната постапка.
© Vecer.mk, правата за текстот се на редакцијата
