Стара Пазова и околните населби минуваат низ еден од најинтензивните периоди на урбан развој во последните години, а со него се менуваат и навиките, потребите и сликата за животот во овој дел од Срем.
„Близината на Белград и Нови Сад, развиената економија и големиот број нови работни места ја направија општина Стара Пазова привлечна за живеење. Доаѓаат млади семејства, работници, менаџери, но и луѓе кои сакаат да го заменат животот во голем град со помирна средина, а во исто време да останат блиску до деловните центри. Овој прилив на население е највидлив на пазарот на недвижности“, изјави за „Дневник“ претседателот на општина Стара Пазова, Ѓорѓе Радиновиќ.
Цената на станбен квадратен метар во општината се движи од 1.371 до 1.437 евра, што е за 10 проценти повеќе во однос на претходната година. Новоградбите и модерните куќи во Стара и Нова Пазова достигнуваат цени од околу 1.500 до 1.600 евра за квадратен метар, додека голема е побарувачката за станбен простор во Стари Бановци, особено поради близината на Дунав, училиштата, градинките и индустриските зони.
© Vecer.mk, правата за текстот се на редакцијата
