Дел од мостот на границата помеѓу Босна и Херцеговина и Хрватска се урна ноќеска, а сообраќајот е целосно прекинат во двата правци меѓу граничните премини Стара Градишка во Хрватска и Градишка во Босна и Херцеговина, објави „Слободна Далмација“.
Поради сериозноста на оштетувањето на мостот, во сила е целосна забрана за сообраќај за сите возила.
Според првичните информации, во инцидентот нема повредени. Поради затворањето на овој фреквентен премин, сообраќајот се пренасочува кон други локации. На останатите гранични премини веќе се бележат задржувања на патнички возила, а застојот засега се движи меѓу 10 и 30 минути.
Поради уривањето на мостот кон граничниот премин Градишка, на босанскохерцеговската страна од границата, Граничната полиција на Босна и Херцеговина и локалната полиција го пренасочуваат сообраќајот кон граничните премини Јасеновац, Дубица и Костајница.
© Vecer.mk, правата за текстот се на редакцијата
