ВИДЕО| ПОПЛАВИ ВО БОСНА И ХЕРЦЕГОВИНА: Обилните дождови ги зголемија водостоите на реките, пожарникарите интервенираат

Vecer | 20.11.2026

ВИДЕО| ПОПЛАВИ ВО БОСНА И ХЕРЦЕГОВИНА: Обилните дождови ги зголемија водостоите на реките, пожарникарите интервенираат
Додај го Вечер како твој извор на Google (се отвора во нов таб)

Обилни дождови ноќеска предизвикаа поплави на повеќе места во Босна и Херцеговина, поради што пожарникарите во Херцеговско-неретванскиот кантон (ХНК) морале да испумпуваат вода од поплавени објекти и да извлекуваат заглавени возила. Најмногу интервенции имало во градот Чапљина, каде што пожарникарите испумпувале вода на 14 локации во градот и во околните села. Тие трипати извлекувале возила од надојдената вода , а ги чистеле и одзатнувале и шахтите, објави „Радио Сараево“.

Во Мостар, пожарникарите испумпувале вода од подрум, а интервенирале и по сообраќајна несреќа, соопштија од Оперативниот центар на Цивилната заштита на ХНК.

Проблеми предизвикани од дождот имало и во Доња Јабланица, каде што се одронил материјалот под станбен објект, поради што била загрозена стабилноста на теренот. Пожарникарите кои излегле на терен утврдиле дека одронот настанал поради градежни работи и обилните врнежи.

Malo ko od Gačana pamti ovako veliki i snažnu rijeku Mušnicu. Pred mještanima pojedinih gatačkih sela i naselja je besana noć. Za kratko vrijeme u ovom dijelu Hercegovine palo je oko 80l kiše po metru kvadratnom.@AtvBanjaluka https://t.co/c9pOzy9OK1

— Bojan Nosović (@BojanNosovicATV) November 19, 2026

Обилните врнежи го зголемиле и водостојот на реките во регионот. Мерењата извршени во 8 часот покажале дека на неколку мерни станици биле надминати критичните нивоа. Водостојот на реката Требижат достигнал 282 сантиметра, два сантиметра над критичното ниво од 280 сантиметри.

Зголемен водостој е забележан и на реката Радобоља во Мостар, каде што нивото на водата достигнало 80 сантиметри, пет сантиметри над критичното ниво од 75 сантиметри.

© Vecer.mk, правата за текстот се на редакцијата

Најчитани во последни 7 дена

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk