Во основно училиште во Сташков, на северот на Словачка, ученик утринава со нож ги нападнал школските колеги и две учителки. Една учителка им подлегнала на повредите, другата е пренесена во болница, а едно дете се наоѓа во критична состојба, пренесува tnlive.sk.
„Тимовите за воздушен спасувачки тим го превезоа детето во критична состојба во болницата во Мартин. По укажаната прва помош, 44-годишна пациентка со убодна рана во градниот кош со хеликоптер е пренесена во болницата во Жилина. За жал, 61-годишна жена здоби смртоносни повреди“, изјави Петра Климешова, портпаролка на Оперативниот центар за итна здравствена служба.
На местото на настанот интервенирале итните служби и безбедносните сили, а таму се упатиле и министерот за внатрешни работи Матуш Шутај Ешток, министерот за образование Томаш Друкер и министерот за здравство Камил Шашко.
© Vecer.mk, правата за текстот се на редакцијата
