Поранешната германска канцеларка Ангела Меркел смета дека Христијанско-демократската унија (CDU) не треба да соработува со крајно десничарската Алтернатива за Германија (AfD).
„Би ми било тешко да се влезе во коалиција со нив, но верувам дека постои разлика помеѓу партијата „Die Linke“ и AfD. Во партијата „Die Linke“ има членови кои претставуваат ставови што не можам да ги споделам, особено кога станува збор за антисемитизмот“, рече Меркел за време на разговор со студенти во берлинскиот радиодифузер Deutschlandfunk Kultur.
„Сепак, генерално, би рекла дека нивните ставови, во голема мера, не се во спротивност со нашиот устав“, објасни поранешната канцеларка.
Сепак, кога станува збор за AfD, Меркел изрази многу поголеми сомнежи.
„Би се согласила на компромис со партијата „Die Linke“ и верувам дека не треба да соработуваме со AfD“, рече Меркел.
Потсетуваме дека партијата CDU неодамна претрпе тежок изборен пораз. Во Мекленбург-Западна Померанија, за прв пат испадна од покраинскиот парламент, а во Берлин убедливо загуби од Левицата (Die Linke).
Во североисточната покраина Мекленбург-Западна Померанија, Алтернатива за Германија (AfD) победи, иако не толку убедливо како на 6 септември во Саксонија-Анхалт.
Во Мекленбург-Западна Померанија, AfD освои 38,2 проценти од гласовите, што е повеќе од двојно зголемување на резултатот од пред пет години, според покраинската изборна комисија.
© Vecer.mk, правата за текстот се на редакцијата
