Фудбалерите на Манчестер Јунајтед продолжија со просечни резултати на гостински терен во Премиерлигата, ремизирајќи 2:2 против Борнмут во првиот натпревар од 31-то коло. Почетокот на натпреварот на југот на Англија навестуваше дека ќе гледаме вистински спектакл, но по првиот дел не видовме ниту еден гол.
Второто полувреме донесе жестока борба, а Јунајтед поведе во 61-вата минута откако Фернандес го совлада Петровиќ од пенал. Многу лесно можеше да се случи Јунајтед да добие пенал во средината на второто полувреме, но судијата сметаше дека Труфер правилно го спречи Дијало, па домашните развија контранапад кој на прекрасен начин го круниса Рајан Кристи во 67-та минута за 1:1.
Само четири минути подоцна, Јунајтед го врати водството со автогол на Хил. Борнмут ја имаше првата шанса откако прими гол во 76-тата минута со шут на Скот, а во 78-та минута, Магваер неправилно го запре Еванилсон и заработи исклучување, додека домашните добија пенал и шанса да го израмнат резултатот. Во 81-та минута, Крупи ја презеде одговорноста и без поголеми проблеми го совлада Ламенс за 2:2.
