Таравари: Јавна тајна е дека им се нудат пари на пратеници, наша пратеничка има одбиено сума од власта како поткуп

Vecer | 30.11.2021

Таравари: Јавна тајна е дека им се нудат пари на пратеници, наша пратеничка има одбиено сума од власта како поткуп
Додај го Вечер како твој извор на Google (се отвора во нов таб)

Градоначалникот на општина Гостивар и генерален секретар на Алијанса за Албанците Арбен Таравари вечерва во Тема на денот во Сител телевизија, истакна дека јавна тајна е дека премиерот Зоран Заев им нуди пари на пратениците.

-Нашата пратеничка група е компактна, а знаеме дека господинот Заев со пари им се приближува на повеќе пратеници и ова е јавна тајна и тоа сите го знаат, им предлага да им даде одредена сума на пари, за да преминат, но нашите пратеници се одлучни и знаат дека нашата цел е подобро утре за сите, а не да се биде дел од криминалци и корумпирана влада, вели Таравари.

Тој открива и дека на пратеничка од нивната пратеничка група директно тој и негови другари и други луѓе и нуделе пари, но таа директно го одбила, а јавна тајна е дека власта се шета со куфер со пари за поткуп на пратеници.

-Во ваква држава каде се обезбедува потписи од 61 пратеник за три часа, и во меѓувреме се гласа доверба на влада каде недостасува еден пратеник, а цела држава и неговото семејство се загрижени за него, а спокојни се премиерот, министерот за внатрешни работи и ДУИ, спокојни како ништо да не било, како да е нормално еден пратеник еден ден да исчезне и никој да не знае каде е, во ненормална држава вакви работи се стандардни, вели Таравари.

Таравари критикуваше дека граѓаните и јавноста во оваа држава се уште не знаат каде се однесоа милион и пол евра од Боки13, никој не дозна, во Мавровка се градеше објект без дозвола не се знаеше кој е сопственикот, па два месеци не се знаеше кој треба да го руши овој објект, на крај господинот Ахмети отиде и испи кафе таму, вели Таравари и појасни дека во оваа држава никој не им верува на институциите.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk