Вицепремиерот и министер за транспорт Александар Николоски оствари средба со претседателот на Владата на Црна Гора, Милојко Спајиќ.
- Разговаравме за можностите за зголемување на трговската размена и унапредување на економските врски меѓу двете земји, како и на подобрување на транспортната и воздушната поврзаност.
Владата на Македонија посветено работи на регионалното поврзување како развојна политика. Подобрата инфраструктурна поврзаност, модерните патишта и железници и полесен проток на луѓе и добра се клучни за отворање нови пазари, привлекување инвестиции и создавање подобри услови за економски раст.
Иднината на Западен Балкан е во Европската Унија, потребата од меѓусебна соработка на земјите од регионот е клучна за забрзување на реформите.
Македонија и Црна Гора се блиски партнери и во периодот пред нас двете земји уште посилно ќе соработуваат, особено во делот на економијата и европската интеграција, објави Николоски.
© Vecer.mk, правата за текстот се на редакцијата
