Со почетокот на изградбата на автопатот Скопје – Блаце, Македонија прави нов чекор кон подобрување на патната поврзаност и зајакнување на својата позиција како важна сообраќајна врска во регионот. На почетокот на проектот, вицепремиерот и министер за транспорт Александар Николоски истакна дека токму преку оваа инвестиција се реализира визијата земјата да стане „раскрсница“ и своевидно „срце на Балканот“.
„Кога оваа Влада беше формирана во 2024-та година, јасната политика и визија на премиерот Мицкоски беше дека Македонија треба да стане раскрсница на Балканот, да ја искористиме нашата уникатна положба каде што два паневропски коридори – Коридорот 8 и Коридорот 10. Денеска почнуваме таков проект којшто оди во таа насока и само со една таква јасна политика и јасна визија ова може да се случи. Затоа што секоја Влада има различни приоритети, приоритетот на оваа Влада е напредок, соработка, економски развој и на тој начин развој на државата и на целиот регион”, потенцираше заменик претседателот на Владата, Александар Николоски.
© Vecer.mk, правата за текстот се на редакцијата
