Невремето проследено со исклучително силен ветер што попладнево го зафати Скопје, буквално направи хаос низ градот. Според неофицијалнитре информации, налетите на ветерот достигнувале брзина и до 100 километри на час, а на повеќе локации низ градот предизвикани се огромни материјални штети. Нашата екипа забележа паднати дрвја, летнати кровови, оштетени автомобили...
Управата за хидрометеоролошки работи претходно најави дека попладнево во делови од Скопската Котлина ќе има нестабилност со пороен дожд, грмежи и засилен ветер. Според денешната прогноза на УХМР, во одделни делови од земјата постојат услови и за изолирано невреме со појава на град.
Фото: Вечер.мк
© Vecer.mk, правата за текстот се на редакцијата
