Премиерот Христијан Мицкоски денеска од Граничниот премин Табановце порача дека Царинската управа добива нова опрема која ќе овозможи поголема ефикасност и уште посилна борба против организираниот криминал и корупцијата.
Мицкоски присуствувал на настанот по повод успешното завршување на проектите реализирани во рамки на Акцискиот документ „ЕУ против организираниот криминал, со поддршка за трговијата“.
Според премиерот, вложувањето во опремата и капацитетите на Царинската управа е значаен чекор кон посилна институција и поефикасна заштита на границите.
„Царинските службеници се на првата линија во заштитата на законот и владеењето на правото и затоа ја имаат нашата целосна поддршка“, порача Мицкоски.
Тој нагласи дека определбата на Владата е јасна – криминалот да биде неисплатлив, а секој што ќе застане на страната на криминалот да одговара пред законот.
Мицкоски изрази благодарност до Европската Унија и амбасадорот Рокас за поддршката, како и до раководството и професионалните царински службеници.
„Ќе продолжиме силно да ја поддржуваме Царинската управа, со очекување добрите резултати да прераснат во уште подобри“, порача премиерот.
© Vecer.mk, правата за текстот се на редакцијата
