Сообраќајна несреќа утрово се случи на крстосницата меѓу улиците „Орце Николов“ и „Франклин Рузвелт“, каде што директно се судрија патнички автомобил и мотоциклист!
Сликите од местото на настанот се драматични, несреќниот мотоциклист сè уште лежи на самиот асфалт, додека загрижените граѓани и очевидци кои се затекнаа на фреквентната локација панично алармираат за итно доаѓање на медицинските екипи.
Според тврдењата на присутните минувачи кои веднаш притрчаа да помогнат, возачот на моторот е жив, но има видливи повреди и болки. Сообраќајот на овој потег во Дебар Маало е во прекин, а наскоро се очекуваат полициските патроли да ја блокираат улицата и да направат целосен увид за тоа кој го одземал правото на првенство.
© Vecer.mk, правата за текстот се на редакцијата
