Евроамбасадорот Михалис Рокас најави дека наскоро преседателката на Европската Комисија Урсула фон дер Лајен треба да го посети Регионот и се надева оти нејзината посета ќе биде одлучувачки чекор кон започнување на пристапните преговори на земјава со Европската Унија.
-Изминатите неколку месеци сите работиме макотрпно, сѐ со цел таква работа да се случи. Се надевам дека наскоро ќе имаме регионална посета од страна на претседателката на Европската комисија, Урсула фон дер Лајен. Таа ќе се случи две-три недели, така што јас навистина се надевам дека нејзината посета навистина ќе биде одлучувачки чекор кон започнување на пристапните преговори со Европската Унија, рече Рокас.
Прашан дали има некакви информации дека би можело да се донесат уставни измени со одложено дејство со цел да се одблокира евроинтегративниот процес, рече дека не може да сподели такви информации.
© Vecer.mk, правата за текстот се на редакцијата
