Босна и Херцеговина, Србија, Албанија, Црна Гора и С. Македонија ги усогласија своите политики со одлуката на Советот на Европската Унија за рестриктивни мерки против тероризмот. Информацијата беше потврдена во вторник од високата претставничка на ЕУ за надворешни работи и безбедносна политика, Каја Калас, пишува Анадолу.
Одлука за антитерористичката листа
На 30 јули, Советот на Европската Унија донесе одлука по редовна ревизија на листата на лица, групи и субјекти кои се предмет на санкции. Постоечката листа на имиња остана непроменета.
Поширок круг на усогласување
Освен петте земји од Западен Балкан, Исланд, Лихтенштајн, Молдавија и Украина исто така се придружија на одлуката. Сите споменати земји со тоа потврдија дека ќе ги прилагодат своите национални политики на одлуката на Советот на ЕУ.
© Vecer.mk, правата за текстот се на редакцијата
