ДНК НА МЕСТОТО НА ЗЛОСТОРОТ! Осомничените за убиствата во Ѓорче снимени на камера

Vecer | 29.10.2026

ДНК НА МЕСТОТО НА ЗЛОСТОРОТ! Осомничените за убиствата во Ѓорче снимени на камера
Додај го Вечер како твој извор на Google (се отвора во нов таб)

Нови детали се појавуваат во истрагата за двете разбојништва со смртни последици во скопските населби Хром и Ѓорче Петров, во кои животот го загубија 62-годишен маж и 76-годишна жена.

Според неофицијалните информации, истражителите располагаат со снимки од надзорни камери, ДНК-траги и предмети пронајдени во автомобил за кои се испитува поврзаноста со случаите.

Првиот случај бил откриен на 22 октомври, кога во дом во Хром бил пронајден починат 62-годишен маж со траги на насилство. Вториот бил пријавен на 27 октомври, кога во својот дом во Ѓорче Петров била пронајдена мртва 76-годишна жена.

Според досегашните неофицијални сознанија, во едниот грабеж учествувале две лица, а во другиот три. Четвртиот осомничен, наводно, ги превезувал останатите со автомобил и тврдел дека не знаел за нивните намери. Во возилото, според истите информации, биле пронајдени јакна и други предмети што се поврзуваат со кривичните дела.

МВР потврди дека се приведени четири лица: А.С. (22), Х.Е. (20) и К.А. (58) од Скопје, како и М.Р. (26) од Струмица. За нив е побаран краткотраен притвор заради комплетирање на доказниот материјал.

Конкретните улоги на осомничените и информациите за доказите засега се неофицијални, а нивната евентуална вина треба да се утврди во судска постапка.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk