Таткото за кого неговата ќерка Меланија Цветковска јавно тврдеше дека со години го држи семејството во страв, сега доби кривична пријава за загрозување на сигурноста. МВР соопшти дека 56-годишниот кумановец подолг период вршел психичко и физичко насилство врз своите најблиски.
На 11 јули психички ја малтретирал сопругата и се обидел физички да ја нападне. По инцидентот бил пренесен во Психијатриската болница во Демир Хисар.
Во полициското соопштение се наведува дека насилството траело подолг период и било насочено кон повеќе членови на семејството.
Случајот предизвика силни реакции откако неговата ќерка, физиотерапевтката Меланија Цветковска, објави видео на социјалните мрежи и побара помош од институциите велејќи дека во Демир Хисар татктото нејќеле да го примат ниту со врски.
– Не барам никој да ме сожалува, туку помош од институциите – порача Цветковска во видеото кое брзо се прошири на социјалните мрежи.
Според нејзиното сведоштво, во домот живеат три жени и нејзиниот брат со церебрална парализа. Таа тврдеше дека семејството со години било изложено на закани и на насилство.
Според сведоштвото на семејството, обидите за хоспитализација со години завршувале без успех. Тие тврдат дека не можат да го напуштат домот поради братот на Меланија Цветковска, кој користи инвалидска количка, додека таткото одбивал развод и заминување од куќата.
Место во Психијатриската болница во Демир Хисар беше обезбедено дури по јавното објавување на видеото на Инстаграм и написите во медиумите.
© Vecer.mk, правата за текстот се на редакцијата
