Премиерот Христијан Мицкоски упати честитка по повод 18 Август – Денот на Армијата, при што им оддаде признание на сите активни припадници, старешини, војници и ветерани кои, како што наведува, со одговорност и достоинство ја извршуваат својата мисија.
„Со чест и благодарност им оддаваме признание на сите наши војници, старешини и припадници кои со одговорност и достоинство ја извршуваат својата мисија, во служба на државата, нејзините граѓани и мирот“, напиша Мицкоски.
Во честитката премиерот нагласува дека Армијата е многу повеќе од униформа и ја опишува како симбол на чест, одговорност, дисциплина и посветеност.
„Таа е силата што стои зад сигурноста на државата и луѓето кои живеат во неа“, наведува Мицкоски.
Тој упати благодарност и до ветераните и до сите кои низ годините дале придонес во градењето на, како што наведува, силна и професионална Армија.
„Честит 18 Август, Денот на АРМ!“, порача премиерот.
© Vecer.mk, правата за текстот се на редакцијата
