КРАВИТЕ ЈА КРЕНАА ПОЛИЦИЈАТА НА НОЗЕ, кордон кај Крива Паланка

Vecer | 21.11.2026

КРАВИТЕ ЈА КРЕНАА ПОЛИЦИЈАТА НА НОЗЕ, кордон кај Крива Паланка
Додај го Вечер како твој извор на Google (се отвора во нов таб)

Полицијата денеска постави кордон на магистралниот пат Крива Паланка – Деве Баир и на улицата „Св. Јоаким Осоговски“ за време на најавениот протест во Крива Паланка. Од Министерството за внатрешни работи информираат дека целта била да се гарантира безбедноста на граѓаните и дека протестот завршил без посериозни нарушувања на јавниот ред и мир.

„На денешниот најавен протест во Крива Паланка од страна на МВР беше поставен кордон на магистралниот пат Крива Паланка – Деве Баир и на улицата „Св. Јоаким Осоговски“, со цел да им се обезбеди сигурност на граѓаните. Протестот е завршен без посериозни нарушувања на јавниот ред и мир“, соопштија од МВР.

Причина за незадоволството на жителите се повеќе од илјада крави кои слободно се движат низ градот. Според реакциите на граѓаните, добитокот предизвикува штети на земјоделските посеви и имотот, а истовремено ја загрозува и безбедноста на луѓето.

Протестот го најави градоначалникот на Крива Паланка, Сашко Митовски, кој порача дека граѓаните нема да бидат оставени сами во барањето решение за проблемот.

© Vecer.mk, правата за текстот се на редакцијата

Најчитани во последни 7 дена

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk