Од денеска водата во Гостивар е безбедна за пиење - информира на прес конференција директорот на Дирекцијата за заштита и спасување Стојанче Ангелов, шеф на Главниот штаб за управување со кризи.
Претходно за најновите информации поврзани со водата за пиење од гостиварскиот водовод седница одржа Главниот штаб за управување со кризи.
Со ова, Гостиварци по речиси еден месец конечно добија вода за пиење.
„На последните добиени резултати водата е миркобилошки и бактериолошки исправна. Со тоа се исполнети условите водата повторно да се користи за пиење“ - изјави директорот на Агенцијата за храна и ветеринарство Оливер Миланов.
На граѓаните им се порачува пред да ја користат водата за пиење, таа добро да истече од чешмите. Забраната беше издадена на 17 јули поради загаденост на водата со фекалии и превисока концентрација на хлор.
© Vecer.mk, правата за текстот се на редакцијата
